- Errepikatu 3 aldiz mantra hau:


Ukitu, ukitu, ukitu

Mugimendu orok zirkulu bat osatzen du
Botere posizioak bilatzen dituzu, hauei eutsiz denboran

Poliki ukitzen, poliki mugitzen, entzuten

Sentsualizatu zeure burua

SEN – TSI – BI - LI – TA – TE - A

Ukimenak ukimen bera ukitu dezala

Murgiltzea, korapiloa, haptikotasuna

ZINES – TE - SIAAAAAA


- Soinekoa eta lepokoa jantzi.


- Amonaren izena 10-20 aldiz ahots goran esan.


- lurra 7 aldiz kolpatu eta ondoren besoak eta bularra igurtzi, gorputza presentzia bat sar dadin prestatuz.


- Beste esku batzuk sentitu zure eskuen gainean, beste gorputz bat zure gorputzaren ondoan. Bat baino gehiago izan, gorpuztu.


- Saiatu erabakirik ez hartzen. Utzi zure gorputzari hitz egiten, bere nahiekin mugitzen.


- Denbora bat pasa denean, debora batez soinu bat egin.

AMAIERA.

/

++ Partitura 2 ++


1- Espazio batean sartu, noraezean 16 urrats eginaz.


2-Aukeratu posizio bat zure baitan bizi den munstroari dardar eginaz, bibrazioan, deitzeko. Ez duzu ezer bereziki sortzailea egin behar, zugan duzu beharrezkoa den guztia.


3- Dardara egiten/oszilatzen (batetik bestera igaro daiteke) 10 minutuz arituko zara. Jarri timer bat. Bibrazioa etengabea izango da, hau da, bibratzen jarraituko duzu, baina intentsitatea, abiadura, tonua, fokatzen duzun gorputzeko tokia, bibratzetik oszilatzerako pasartea, guzti hauek eraldatzen joan zaitezke. Garrantzitsuena da bibrazio dei bat izatea, zure gaurko munstroa azalera ekartzeko ahalmena izatea, zuk berau behatu ahal izan dezazun.


4- Denbora hartu zure gorputzaren bibrazioa zure munstroarekin elkarbizitzan sintonizatzeko. Hau da, munstroa etorriko da eta bibrazioa ez da joango. Agian, nolabait, gauza bera izango dira. Hitz egiten uztea da kontua, eta topaketa arraro eta trantsizio horren behatzaile bihurtzea.


5- Timerrak jo badu, denbora gehiago gera zaitezke behar baduzu.


6. Bukatzeko, gaurkoz agur tenporario gisa eta munstroa gainazal ikusgarriaren azpira itzuliz, gelditu bibrazioa emeki-emeki eta abestu konpostaren abestia sentipenetatik, hitzetatik edo esperientziaren irudietatik abiatuta.


AMAIERA.

++ Partitura 3 ++


Galtzak erantzi eta tolestu.


- Egurrezko aulkian eseri, hankak pixka bat irekita.
- Lerro zabal bat marraztu begiradarekin.


- Bi eskuak erabiliz, marraztu airean zirkulu bat 7 aldiz zure aurrean, bularraren parean.


- txalo gogor bat eman eskuekin, momentua mozteko.


- Mihia ahotik kanpo edukita, izterrak igurtzi eta arnasketa ozena egin ezazu.


- Gero, botere-posizio bat aurkitu, bertan zaudela sentitzen duzunean, geldirik geratu eta oinetatik sartzen den eta pixkanaka gorputz osoa hartzen duen bibrazio ñimiño, ikusezin bat imajinatu/sentitu. Sentipen estatiko horretan pixka batez geratu eta horrek betetzen zaituela sentitu ezazu. Ondoren, imajinatu/sentitu eskuetako, sentsazio/bibrazio hori, behatz puntetatik, gozotasunez betetako, mugimendu leun batean ateratzen dela,

- Jarrera desegin. Oihalarekin osorik estali zaitez eta dardarka hasi.


- Dardara horretan, Zelatan dagoen Pizti baten jarrera hartzen joan zaitez.


- Utzi dardarari oihala gorputzetik irristatzen eta piztia azaleratzen. Orduan esan hiru hitz garrantzitsu dardarka eta hitzek hainbat aldiz dardar egin dezatela.


- Mugimendua gelditu eta hitzak dardarka esan, hitzak dardarka jarri.



AMAIERA

PARTITURAK